Útreikningar

Ég ákvað að gera smá yfirlit yfir IceSave skuld Íslands, bara til að átta mig á þessu. Á engan hátt skal styðjast við þessar tölur, taka mark á þeim eða vitna í þær. Þetta eru grófir útreikningar sem styðjast ekki við nákvæmar upplýsingar. Einnig getur vel verið að ég hafi misreiknað margt, en ég fór ekki yfir útreikningana. Mér varð eiginlega bara hálf flökurt.

Ég set þetta ekki fram sem mínar skoðun eða tillögu að neinu leyti, ég var bara að leika mér að reikna þetta. Ég kem með “afborgunarplan”, og áður en þú ferð og hellir þig yfir mig í kommentakerfinu skal ég segja þér: Ég veit alveg að þetta er ekki svona einfalt og við getum ekki borgað þetta svona. Ég er bara að láta þetta í einfalt form til að fá út tölurnar.

Ég byrja á því að setja fram staðreyndir í tölum í íslenskum krónum miðað við gengið í dag, 6. janúar 2010. Síðan sýni ég hvernig afborganir þessa láns myndu líta út ef við skuldbindum okkur að greiða 10% af vergri landsframleiðslu okkar á ári. (Bara dæmi.) Ávallt geng ég út frá því að hvoru ríki fyrir sig (Hollandi og Bretlandi) verði ekki greitt meira heldur en lágmarks tryggða fjárhæð fyrir hvern innistæðueiganda í sínu landi. Í þeim tilvikum sem innistæðueigandi átti minna en lágmarksfjárhæð, getur afgangur lágmarksfjárhæðarinnar runnið í einn sjóð sem yrði þá hlutfallslega skipt niður til þeirra sem áttu meira en lágmarksfjárhæð, eftir því hversu mikið þeir áttu umfram hana.

3.773.529 kr. er lágmarksfjárhæð sem Íslenska Tryggingasjóðs innistæðueiganda ber að tryggja per innistæðueiganda skv. lögum.

Holland:

114,136 innistæðueigendur.

302.483.146.466 kr. samtals innistæður.

ef greitt er aðeins lágmarksfjárhæð fyrir hvern innistæðueiganda yrði heildarskuldin 43.089.649.944 kr.

Innistæðurnar sem töpuðust voru því 259.393.496.522 kr. meira heldur en lágmarksfjárhæð tryggð.

Bretland:

229.170 innistæðueigendur.

909.155.170.143 kr. samtals innistæður.

ef greitt er aðeins lágmarksfjárhæð fyrir hvern innistæðueiganda yrði heildarskuldin 864.779.640.930 kr.

Innistæðurnar sem töpuðust voru því 44.375.529.213 kr. meira heldur en lágmarksfjárhæð tryggð.

1.476.463.000.000 kr. var verg landframleiðsla Íslands 2008. (Enn og aftur, hér geng ég bara út frá tölu sem ég tek sem dæmi.)

10% af því eru 147.646.300.000 kr.

Samtals innistæðueigendur í Hollandi og Bretlandi: 343.306

Holland er því ca. 33,3%

Bretland ca. 66,7%

33,3% af 10% af vergri landsframleiðslu Íslands er meira heldur en við skuldum Hollendingum fyrir lágmarksfjárhæðir tryggðar. Því gætum við borgað þeim alla upphæðina strax og látið restina renna til Bretlands, sem við skuldum náttúrulega meira.

43.089.649.944 til Hollands

eða 3.590.804.162 á mánuði

104.556.650.056 til Bretlands

eða 8.713.054.171 á mánuði

Eftirstöður skulda eftir árið 2010 væru þá:

Holland: 0 kr.

Bretland: 766.299.558.830

Ef gert er ráð fyrir að verg landframleiðsla hækki hvorki né lækki, og 10% af henni renni beint til Breta væru eftirstöður skuldarinnar svona:

Eftir 2011: 618.653.258.830

Eftir 2012: 471.006.958.830

Eftir 2013: 323.360.658.830

Eftir 2014: 175.714.358.830

Eftir 2015: 28.068.058.830

Restin (28.068.058.830) yrði þá greidd 2016 eða 2.339.004.903 á mánuði

2010, ef miðað er við að 200.000 (enn og aftur, engin tala fannst hjá Hagstofu til að styðjast við) Íslendingar séu yfir 16 og skattskyldir, yrði greiðsla á mann á mánuði 17.954(Holland)+43.565(Bretland)= 61.519 kr. á mann. Þetta eru ca. mánaðarlaun mín, sem ná ekki yfir mínar húsnæðisafborganir, matarkostnað eða aðrar skuldaafborganir, ekki næstum því!

2011-2015 yrði greiðslan 61.519 kr. á mann allt til Bretlands.

2016 yrði greiðslan 11.695 út árið. Þá værum við búin að borga lágmarksfjárhæðir fyrir alla innistæðueigendur í Hollandi og Bretlandi. Því miður skuldum við miklu meira en þetta.

Ég tek fram að þetta eru grófir útreikningar sem ég gerði bara fyrir sjálfa mig til að átta mig á þessu, en ákvað að deila þessu samt sem áður ef einhverjum langaði að sjá svona "sirkayfirlit". Ég styðst ekki við IceSave-samninginn nema að hluta til og það er taflan á þessari síðu. Þetta er engan veginn nákvæmt, enda ekki margar nákvæmar tölur sem fengust uppgefnar. Ég ítreka að ég veit alveg að afborganirnar eru ekki svona einfaldar, og þessi færsla er ekki ætluð sem neinn áróður á hvort fólk eigi að kjósa að fella samninginn eður ei. Ef ég skil samninginn rétt þá þurfum við hinsvegar að greiða meira en hér kemur fram.

Jóhanna ræddi við Brown

Athugasemdir

[Ingibjörg (IP-tala skráð) 6.1.2010 kl. 21:43]

En vantar ekki eignir Landsbankans og útistandandi lán sem dragast frá?

[Þorgerður Ösp Arnþórsdóttir, 6.1.2010 kl. 21:49]

Eins og ég sagði, þetta er engan veginn nákvæmt, tæmandi, eða rétt yfirhöfuð. Bara til "gamans".

[A.L.F, 7.1.2010 kl. 00:42]

Vantar ekki vextina inn í þetta dæmi?

[Þorgerður Ösp Arnþórsdóttir, 7.1.2010 kl. 14:40]

Svo ekki sé nú talað um vextina!

Ég tók það fram svona þrisvar í færslunni að þetta er EKKI rétt. Þetta er miðað við gefnar forsendur, sem voru fáar og ónákvæmar.